مرحبا بكم في مدرسة النجاح الثانوية الخاصة بولاية شمال كردفان - الأبيض
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
مســـــــــــــــــــاحة
 للإعــــــــــــــلانات

شاطر | 
 

 أمونــــــــــــــــه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زيكــــــو



عدد المساهمات : 17
تاريخ التسجيل : 09/08/2010
العمر : 25
الموقع : الابيض

مُساهمةموضوع: أمونــــــــــــــــه   الأربعاء أغسطس 11, 2010 8:21 am

أمونة كانت في الخيال
إحساس مكتم في البشر
كانت بتحلم بالصباح
يغشاها لو يوم في العمر
تقرا وتصلي وتبتهل
تصدح مع الديك في الفجر
تلبس جلاليب النجاح
وتشيل من الناس السماح
في أيديها كان شنطة وقلم
وفي عيونها كان شايلة الحلم
وفي الخاطر الحوش الوسيع
اللمة والناس والنغم
أمونة كانت إنفعال
زي نسمة في الليل زي وتر
تشتل بايديها المنى
وتحصد مع الناس الوعود
أمونة كيف حال البلد
أماتنا واخوانا الكبار
أمونة كيف طين البلد
البانة والطير والخدار
===
أمونة في وجع الحروف
تغزل بايديها الصبر
زي لهفة الطين للجروف
زي نخلة جادت بالتمر
زي شوقنا للزول الولوف
لو غاب ثواني عن النظر
زي الغمامات يوم تطوف
تدينا إحساس المطر
ونحنا بنغني مع الخرف
أشواقنا تدفق بحر
أمونة خاتنك دُخر
للجاي للقدر العنيد
نلقاك زي حبل الصبر
===
وأمونة في الطلة
أجمل خلايق الله
زي نسمة تتدلي
يوم تمشي في الحلة
بتشبه فريع البان
بي نارها نتقلى
أمونة بت النيل
في عيونها غابة نخيل
زي قمره نص الليل
بتغازل الفكرة
أمونة بت النيل
زي أرضنا البكرة
===
أمونة كانت في الخيال
إحساس مثالي ومزدهر
أمونة أحلى من الخيال
ما بتشبه الليل والقمر
أمونة كانت زي ملاك
حورية حايمة مع البشر
في قلبها النور واليقين
الطيبة والأصل الحنين
وكلامها أحلى من الدرر
الرجوع الى أعلى الصفحة اذهب الى الأسفل
 
أمونــــــــــــــــه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة النجاح الثانوية الخاصة بمدينة الأبيض ولاية شمال كردفان :: الابداعات الادبية-
انتقل الى: