مدرسة النجاح الثانوية الخاصة بمدينة الأبيض ولاية شمال كردفان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مرحبا بكم في مدرسة النجاح الثانوية الخاصة بولاية شمال كردفان - الأبيض
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  
مســـــــــــــــــــاحة
 للإعــــــــــــــلانات

 

 حلم أشتــــــــــــر

اذهب الى الأسفل 
3 مشترك
كاتب الموضوعرسالة
زيكــــــو




عدد المساهمات : 17
تاريخ التسجيل : 09/08/2010
العمر : 31
الموقع : الابيض

حلم أشتــــــــــــر Empty
مُساهمةموضوع: حلم أشتــــــــــــر   حلم أشتــــــــــــر Icon_minitime1الأربعاء أغسطس 11, 2010 8:25 am

قبل النوم "اليوم"
"كان ياما كان
في حلم
من كتر ما بحلم
فشفاشو ذاتو ورم".

كابوس
حلماً صبح واقع
في خاطر المجهول
وزولاً فضل قابع
في ناصية الشارع
مستني نجمة تقول
والنجمة ما بتطلع
الا الزهور تسطع
زي الشمس وتقول
أصلو المسافة شهور
أستنى يا محصول
باكر تجي المطره
والمطره ما بتنزل
الا السحاب يدخل
في مجلس الامن
لكن محال يدخل
حتما ولن يقبل
ما أصلو ارهابي
دمعاتو بتغرق
والشمس ما بتشرق
الا الصغير يكبر
ويدخل كمان جامعة
والجامعة انقفلت
يا عمرو ياموسى
شعبك صبح كوسة
والكورة معكوسة
من هجمة مرتدة
العيش صبح ردة
والردة ما بتكمل
في آخر المدة
دائن مدين وحساب
مين بدخل الجنة
ومين بدخل الكتّاب
مين بحفظ الحمدو
ومين سوا ليه حجاب
مين بلبس الجزمة
ومين بلبس الشراب
يا كوفي ما تصرح
يا عمرو ما تصرّح
يا صبح ما تصبح
اضلم علينا الليل
والصبح ما بطلع
الا النفوس تصفى
بترولنا في المصفى
ومصفاتنا في الجيلي
والجيلي في البنك
حيث الرصيد مليان
كم طلقة في المليان
ماف واحدة بتجلي
ما أروع البنبان
عايز رصيد بالدين
ان شاء الله لو الفين
الشبكة ماف هسة
فاتت بكا الجيران
مرحومنا كان طيب
من بيتو للجامع
ومن بيتو لل....
بس ولدو كان صايع
تلقاهو في اي مكان
في النادي في المسرح
تلقاهو بتسرح
والشكوى لي الله
من هذه البلوة
سكرنا بالملوة
وعايزين كمان وكمان
يا حلم بالغت
وعلينا طولت
طول ليلى ساهرت
وما عرفت ليك زمان
لكن اهو بنحلم
الحلمِ ماّ مجان.

حلم معقول
حلم الجعان العيش
أرض التمام في الجيش
حلم الطيور الريش
حلم الشقى التعبان
وأنا حلمي أني أعيش
في عالمي التاني
حيث الأفق مفتوح
والزهرة كل ما تفوح
النحلة تغشاني
عسل الحقيقة يكون
زي سر إنساني
الجو ربيع في الصيف
الصيف لطيف وظريف
الالفة كاتلاني،
كل ما أنوم بحلم
وكل ما أقوم بندم
القى النهار مافيش
والقاني بتألم!!
يا عيني ليه تصحي
يا عيوني ما تصحي
أصلو الحلم مجان
والله بالمجان.

حِلم بين بين

نعيش اتنين
كما الواحد
نكون واحد كما الاتنين
ويشغل فكرنا الاحساس
كما الانفاس
شهيق وزفير
أريج وعبير،
بداية الحلم وردية
ولون عينيك ليلية
وأنا الغرقان
بنادي على المراكبية،
زمان الحزن ولى وفات
حلاة اللقيا في شمبات
زمان الفرحة حتما آت،
تعال ليا
عرفت البهجة من عينيك
عشقت البسمة في فاهك
ضحكت عشانك
أتباكيت،
أنا جنيت.. انا واهم
أنا حالم
أكون جنبك
عسى قلبك يكون راحم.

حِلم واحد
ضباب السكة يتبدد
وتلبسي يا مداين الفرحة
لون أبيض
عشان أتحدى بيك الكون
إذا ما الخاطر إتمرد
ومات مقتول. lol! [u]
الرجوع الى أعلى الصفحة اذهب الى الأسفل
Admin
Admin
Admin


عدد المساهمات : 63
تاريخ التسجيل : 11/07/2010

حلم أشتــــــــــــر Empty
مُساهمةموضوع: رد: حلم أشتــــــــــــر   حلم أشتــــــــــــر Icon_minitime1الخميس أغسطس 12, 2010 7:26 am

إبداع والله
لكن ممكن نعرف كاتب الأبيات دي منو عشان نكرمو؟؟
الرجوع الى أعلى الصفحة اذهب الى الأسفل
https://elnajah.yoo7.com
بكري




عدد المساهمات : 2
تاريخ التسجيل : 14/08/2010

حلم أشتــــــــــــر Empty
مُساهمةموضوع: رد: حلم أشتــــــــــــر   حلم أشتــــــــــــر Icon_minitime1السبت أغسطس 14, 2010 8:19 am

nice
الرجوع الى أعلى الصفحة اذهب الى الأسفل
زيكــــــو




عدد المساهمات : 17
تاريخ التسجيل : 09/08/2010
العمر : 31
الموقع : الابيض

حلم أشتــــــــــــر Empty
مُساهمةموضوع: رد: حلم أشتــــــــــــر   حلم أشتــــــــــــر Icon_minitime1الثلاثاء أغسطس 17, 2010 2:52 pm

كاتب الابيات دي مسطووووووووووووووووووول
الرجوع الى أعلى الصفحة اذهب الى الأسفل
 
حلم أشتــــــــــــر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة النجاح الثانوية الخاصة بمدينة الأبيض ولاية شمال كردفان :: الابداعات الادبية-
انتقل الى: